E enjte , 2 Korrik 2020

E kërkon gjysma e Europës, klauzola 120 mln euro një problem

Europa League e këtij sezoni nxori në pah shumë talente në ndeshjet e deritanishme, por asnjë nuk ka tërhequr vëmendjen aq shumë sa Joao Felix. Talenti portugez i Benfikës është kthyer në objektivin e shumë klubeve kontinentale, duke u kthyer njëkohësisht edhe në objektin e një ankandi ndërkombëtar.

Benfika, e cila nuk priste këtë shpërthim të mesfushorit sulmues, synon të përfitojë të paktën 120 milionë euro, aq sa i garanton klauzola e zgjidhjes së kontratës. Manchester City, PSG dhe Real Madrid janë klubet e interesuara, të afta ta paguajnë këtë pa problem, po së fundi atyre iu është shtuar edhe Juventusi.

Cristiano Ronaldo u ka bërë të ditur drejtuesve të Juventusit se operacioni në fjalë është i mundur dhe i vlefshëm, e për këtë do të ndihmonte edhe agjenti i njohur i luzitanit, Jorge Mendes. I zhgënjyer për eliminimin nga Champions dhe me një plagë ende të hapur, Ronaldo kërkon lojtarë të tjerë cilësorë te Juventusi, por palët e përfshira e bëjnë akordin të komplikuar.

Joao Felix u bë lojtari më i ri që shënon një trigolësh në Europa League, me paraqitjen mbresëlënëse ndaj Eintracht Frankfurt. Ai u bë gjithashtu lojtari i parë që shënon 3 gola për Benfikën në turnetë europianë, pas vitit 1992.

Top Channel

Check Also

Barcelona ndez motorrët, Neymar pranë kalimit në Camp Nou

Barcelona nuk heq dorë nga braziliani Neymar, ku tashmë është prioriteti i tyre deri në …