E enjte , 6 Gusht 2020

OBSH-ja e shpallë Koronavirusin, emergjencë globale

Organizata Botërore e Shëndetësisë, zyrtarisht në një takim të mbajtur sonte në Gjenevë, e ka shpallur Koronavirusin, emergjencë globale.

“Arsye kryesore për këtë deklarim nuk është që po ndodh në Kinë, por ajo që po ndodh në vendet e tjera”, ka deklaruar shefi i OBSH-së, Tedros Adhanom Ghebreiesus, raporton BBC.

Brenga është që ky virus mund të përhapet edhe në vende me sistem shëndetësor të dobët.

Aktualisht, numri i të vdekurve në Kinë ka arritur në 170.

OBSH-ja ka bërë të ditur se në 18 vende janë shënuar 98 raste me Koronavirus, porse nuk ka të vdekur.

Deri tashti janë shënuar tetë raste të infeksionit nga njeriu në njeri në Gjermani, Japoni, Vietnam dhe SHBA.

Check Also

Shenzheni, qyteti i parë kinez që pritet të ndalojë konsumimin e qenve dhe maceve

Shenzheni pritet të bëhet qyteti i parë në Kinë që do të ndalojë konsumimin e …