E mërkurë , 3 Qershor 2020

Reagojnë familjarët e pacientes kumanovare: Vdiq nga zemra, jo nga Korona

Familjarët e kumanovares së ndjer nga COVID-19 për Tv Telma kanë deklaruar se ajo asnjëherë nuk ka qenë jashtë vendit, dhe se askush atyre nuk u ka treguar se ajo ka vdekur nga Korona virusi, por se ka vdekur nga “vdekje kardiake”.
Familjarët e të ndjerës për Tv Telma kanë deklaruar se Gordana Dimovska asnjëherë të vetme në katër vitet e fundit nuk ka qenë jashtë vendit, ndërsa vitin e fundit jashtë vendit nuk ka qenë as djali i saj i cili për momentin gjendet në Klinikën Infektive në Shkup. Ata demantojnë informacionet e plasuara në media nga ministri i Shëndetësisë, Venko Filipçe, dhe thonë se të gjitha testet që janë bërë kumanovares 57 vjeçare kanë qenë negative ndaj COVID-19.
“Ishim dje pas orës 9, para dritareve në vizitë në Repartin infektiv dhe kemi biseduar me atë dhe birin e saj. Atje zakonisht nuk ka vizita. U ankuan se nuk marrin asgjë nga mjekët. Deri sa flisnim për një moment asaj ju keqësua gjendja, i briri I cili ishte me të gjatë gjithë kohës tentonte ta ndihmonte dhe reanimonte. Atëherë u paraqitën mjekët për ndihmë, pasi që i biri i të ndjerës thërriti me zë të lartë. Kur arritëm deri te dera, askush nuk doli të na thotë gjë. Kaluan disa pastruese dhe kur kuptuan se ne jemi familjarët e saj na thanë Zoti e mëshiroftë”, kanë deklaruar të afërmit e të ndjerës.
I biri i saj pas vdekjes së nënës së tij, së pari është transferuar në në Pulmologjin e Shkupit, por pasi që është publikuar informacione se bëhet fjalë për rast me Korona, ai është transferuar në Klinikën infective në Shkup. Edhe në dokumentin që u është dhënë si vërtetim për vdekjen e saj qëndron se shkaktar i vdekjes është Cardiac arrest. Familjarët thonë se për shpalljen e familjarës së tyre si e vdekur nga Korona kanë marrë vesh gjatë varrimit kur policia ka ardhur për t’iu dhënë se ceremonia e varrimit duhet të ndërpritet. Por, pasi dy orësh u është lejuar që ta varrosin të ndjerën.

Check Also

Lagja e Trimave – 9 Maji 2015 (fotogaleri)

Never forget Pesë vite nga luftimet e 9 dhe 10 majit të vitit 2015 në …